22 лютага ў ДУА "Лахвенская яслі-сад-сярэдняя школа Лунінецкага раёна " адбыўся маўленчы фэст "Мова для ўсіх!" Удзельнікі - вучні 8-11 класаў. Мерапрыемства было прымеркавана да тыдня роднай мовы і накіравана на папулярызацыю беларускай мовы, выхаванне ў школьнікаў любові і павагі да роднага слова. Падчас свята вучні дзяліліся любімымі беларускімі словамі, выказвалі цёплыя пажаданні роднай мове, падбіралі прадметам беларускія назвы, разгадвалі рэбусы і загадкі. Усе прысутныя на мерапрыемстве адчулі: якая мілагучная, прыгожая, шчырая і лагодная родная мова.